Tarix bə de sionist rejim saziş kardə kəson rəhm nibəkarde.

Həmas təşkilati siyasi idarə yol votışe: Tarix bə de sionist rejim saziş kardə kəson rəhm nibəkarde iyən milləton hukmən ım xəyanəti ıştə yodədə obəqətın.

Bə Fars aqentiyəti raporti əsos, Həmas təşkilati siyasi idarə yol İsmail Həniye bə İ bıə Ərəb Əmirəti iyən Bəhreyni rəsmi şəxson notaş do ki de sionist rejimi əloğəon normal kardey cərəyonədə əvon dəboxtə tərəfonin boçi ki israili hədəf İroni ətrofədə hərbi və iğtisodi vırəon bə dast vardeye.

İsmail Həniye Ğəzzə millətiku himoyədorəti karde xoto bə sionist rejimi təcavuzi vədə Həmas təşkilati kamilə hozzıətiku xəbəş do və əlovəş karde: taleədə harcurnə canq bo hukmən dışmon vey qıvoninə nəticə və ağibəti icud bəkay.

Həmas təşkilati siyasi idarə yol bə əsiron vırə bə vırə kardey xoto Misri siyasi heyəti cəhdon işarəş karde və votışe: həmas təşkilati şərton de Misri vositə bə israil elan bıə.

İsmail Həniye milli sulh muzakirəon barədə Həmas və Fəth qurupon miyono muzakirəon çok və mısbət bə hisobış varde və votışe: h 2 qələ gurup de mıştərək siyahi bə Fələstini omə səçen rəğabəton daxil bəben.