Ərəbistoni Ğətif ostanədə qıləy məçiti xərob kardışone.

Səudiyə rejim Ğətif ostani Əl-Əvamiyə şəhrədə İmom Huseyn(ə) nomo bıə məçidi kamilən xərob kardışone.

Bə Əl-Əhd sayti raporti əsos, Səudiyə rejimi məmuron, həminə şəhri Əzzarə məntəğə muhasirə bəpeşt, İmom Huseyn(ə) nomo bıə məçidi tam xərobəşon karde.

Im məçid həmonə məçid be ki şəhi Ayətullah Bağir Əl-Nemer əyo nımoj iyən nıtğ əvoti.

Isət şəhid Nemeriku harcurnə nışonə məhv kardeyro Səudiyə rejimi qıləy ferğə qərayanə və irğçiyə siyasəton bənav bardeydə ki ım məçidi xərob karde çəy nımonəonin.

Ərəbiston həto Əl-Əvomiyə şəhriku şiəyon 2011-ə sori inğilobi nışonəon məhv kardeyro de pesoxtə bıə planon pidəşone cəmaəti kəon həm xərob kon.

3 sor çimi bənav həm Ali-Səud ım kişvəri şərğ, Ğətifədə Həzrəte Fatimə(s) məçidi həm de pesoxtə bıə obdonəkə loihə əmmo həğiğətədə de irğçiyə anti şiə siyasəto xərob kardəş be.