Mərakeş iyən sionist rejimi miyono saziş Fələstini tərəfo məhkum bıə.
Fələstini muxtəlif qurupon zinə şəv Mərakeş iyən sionist rejimi miyono saziş iyən əloğəon normal bey məhkum kardışone.
Bə Təsnim aqentiyəti raporti əsos, Həmas təşkilat de Mərakeş dıvləti ım ğəroli məhkumiyət elanış karde: sionist rejim de əloğəon normal karde siyasəti pidəşe anti Fələstin xəbisə cinoyətokorə hərəkəton bə nav bıbə iyən icra ko.
Fələstini Cəhad hərəkati həm ıştə bəyaniyədə Mərakeş dıvlət iyən sionist rejimi miyono rabitəon adi bey bə Ğuds və Fələstini xəyanət karde bə hisobış varde.
Fələstini Muxtar təşkilat həm Mərakeş iyən sionist rejimi miyono saziş məhkumış karde.
Amerkə prezident Donald Trump zinə Mərakeş iyən sionist rejimi miyono əloğəon adi və normal beyku xəbəş do.
Trump ıştə Tuvitter mesajədə elanış karde ki Mərakeş iyən sionist rejimi ıştə miyono bıə rabitəon tam normal kardeyro təvafoğ kardışone.
Mərakeş iyən sionist rejimi miyono əloğəon normal bey qıləy şərayetədəy ki Mərakeşi millət tojədən de eteroz aksiyaon dəvoniye ım sazişi prossesi bə Ğudsi ozodəti hədəfi xəyanət iyən peştiku bə Fələstin milləti xəncəri zərbə varid kardeye.