Zərif: Amerkə bəpe məntəğəku xaric bıbu.

İroni xarıci vəzir ijən bə məntəğəku Amerkə hərbiçion xaric bey zəruriyati təkidış karde.

Bə İrna raporti əsos, İroni xarıci vəzir Muhəmməd Cəvad Zərif İron iyən Əfğanistoni miyono bıə əloğəon barədə de ım kişvəri Tulu televezia mısohibədə bə İroni Sepahe Ğuds təşkilati nakonə fərmondə şəhid Ğasim Suleymani terrorədə Amerkə sərostə roli işarəş karde və votışe: İron həmmişə təkid kardedə ki Amerkə bəpe məntəğəku xaric bıbu.

İroni xarıci vəzir Muhəmməd Cəvad Zərif ım mısohibədə bə muxtəlif məsələon əcumlə Əfğanistonədə bıə Taleban iyən Fatemiyon qurupon və çəvon fəaliyəton ışarəş kardeiyən votışe: əqər Əfğaniston pidəş bu Fatemiyon bənə qıləy bəfodorə ğıvvə karde bəzne bə ım kişvəri əmniyəti oqəte komək ko.