Ğalibaf: qeneral Suleymani terror mıtəşəkkil dıvləti terrori nımunəy.

İroni islami şura məclesi yol de Amerkə cinoyət əməliyati vositə qeneral Suleymani terror karde İrağ və İroni milli hakımiyət və ərazi təmamiyyəti darışte həmçenin mıtşəkil dıvləti terrori nımonə bə hisobış varde.

Muhəmməd Bağır Ğalibaf zinə bə islami iyən Asiya parlamen parlamenton rəison, parlamenton miyono bıə həmkari təşlikalat və i bıə milləıton təşkilati rəisi vığandə məktubədə ğeydış karde: Amerkə dıvlət de kəşə bıə plani iyən de ğəsd niyyəti İroni ali fərmondə qeneral Ğasım Suleymani və de əy bə i co bıə həmrəzmon Bəğdadi airporti ətrofədə bıə qıləy ğeyri hərbi vırədə de rəketi terror və şəhidış karde.

İroni islami şura parlamenti rəis bə ım nuktə işarəş karde ki İrağədə şəhid Suleymani işterak qıləy rəsmi səfər be və votışe: İroni ım yolə fərmondə çand sor bıə be ki bənə hərbi mışovir çı İraği dıvlət iyən hərbiçion kənoədə və İraği əmniyəti təmin kardeyro de terrorizm mubarizə barde holədə be.

Ğaliobaf qeneral şəhid suleymani terrori çı beynəlxalğ ğanuni darşie nımonə bə hisobış varde və təsdığ kardışe: ım cinoyət de terrorizm mubarizə barde sahədə beynəlxalğ meydonədə bə ğanun hakımiyət, məntəğə əmniyət iyən stabileti vey ciddi zərəl-ziyoni varid kardışe iyən ciddi surəti beynəlxalğ sulh iyən əmniyəti təhdid karde bois bıə.

İroni islami şura parlamenti rəis ım mıktubədə ijən Amerkə terrorçiyə rejimi ım cinoyəti məhkumış karde və bə dlnyo məclis və parlamenton miyono lozimə həmkarion jığonə terror faciəon vəy qəte zəruriyati təkidış karde.

İroni Sepahe Ğuds təşkilati nakonə fərmondə Qeneral mayor Ğasim Suleymani ki de İraği dıvləti rəsmi dəvət miladi 2020-ə sori Yanvari 3 bə ım kişvər səfərış kardə be, Bəğdad airporti ətrofədə de Amerkə terroris iyən təcavuzkorə ğıvvon həvo həmlə və de İraği Həşdu-Şəəbi muğavimət təşkilati muavin Əbuməhi-Əl-Muhəndis iyən co 8 nəfər muğavimət rəzməndəon bə ico şəhid be.