Bə yəmənı zid Səudiyyə Ərəbıstonı həvoiyə hucumon dəvom

Səudiyyə Ərəbıstonı hucumədə bə yəmənı cənub ğərb Təez ostan çı məmləkəti çandəqılə şəhrvandonku kıştə bedən.

Bə yəmənı Səba aqentəti nəğlon əsosi Mehr aqentəti elanış kardə Səudiyyə Ərəbıstonı hərbiyə təyyarəon şanbə şəvi hucumədə bə Təez ostanı  ğeyre hərbiyə binaon 7 qılə yəmənıjə şəhrvnd kıştə və xəylion həm yarəjə bedən.

 həminə holədə Səudiyyə Ərəbıstonı hərbiyə təyyarəon Təez ostanədə bə Əlmədyən məntəğə hucum kardən desbə ısət çı hucumi tələfatiku heç qılə xəbə nəşr bə ni.

Səudiyyə Ərəbıstonı hərbiyə təyyarəon 5 şanbə ruji həm de kaset bomba bə yəmənı şimal ğərb Sədə ostani dion hucum kardən.

coqlə xəbə həm ıme ki Səudiyyə Ərəbıstonı Nəcran məntəğədə və de Yəmən mıştərəkə sərhəddon neziədə Səudiyyə Ərəbıstonı Sərhəddiyə ğıvvonku qıleni bə həlokət rəsedə.

Səudiyyə Ərəbıston 2015 minnə sori martə manqiku bə yəmənı zid hucumonış bino kardə və ım hucumon nəticədə 11 həzo nəfərisə ve kıştə bən.