İron iyən İraği miyono bıə elmi və təlim həmkarion.

Beynəlxalğ koonədə bıə İroni Yolə Rəhbəri mışovir de İraği prezidenti telefoni rabitə cərəyonədə bə 2 qılə kişvəri miyono bıə elmi iyən təlim cəhəto həmkarion inkişofi təkidış karde.

Bə İrna raporti əsos, Əliəkbər Viloyəti zinə de Bərhəm Saleh telefoni rabitə cərəyonədə votışe:dınyoədə bənə İron iyən İraği kişvəron kamin ki jığo vey nığıl iyən cur bə cur mıştərək noğtəonışon bıbu.

Viloyəti əlovəş karde: İroni Yolə Rəhbər həm həmmişə bə həmmə sahəonədə İron və İraği miyono həmkarion inkişofi təkidış heste.

Beynəlxalğ koonədə bıə İroni Yolə Rəhbəri mışovir ijən təkidış karde ki: İron karde bəzıne ki bo akademik təhsili rəvoc doeyro İraği muxtəlif vırəonədə İroni universetonku şobəon ojkə.

İraği prezidenti Bərhəm Saleh həm əloğəonədə bıə çokə şərayetiku ıştə rizoyətış elan karde və votışe: İrağ bə İroni Yolə Rəhbər, millət və dıvləti rabitə, həmkarəti, həmohənqi, komək iyən bıvəti vey əhəmmiyət dodə.

İraği prezident həmçenin votışe ki: İağədə İroni universition oj karde planiku himoyədorəti və həmmə tərəfinə imkanaton bo ın ko əncom beyro hozzo bəkamon.