Ərağçi: hərbiyə siyasəton dəvom məntəğə vəziyyəti çimisə ve problemin bəkay

Bə Pars Tudey xəbəron əsosi ironi xarici koon vəziri de ərəbıstoni xarici koon vəziri təşkil doə telefoniyə votımonədə problemon şiddətin beku ıştə niqəronəti elon kardeədə təkidış kardə ciddiyə bovə bə hərbiyə siyasəton çimisə be bə məntəğə problemin be bois bəbe.

Bə telerədyo aqentəti nəğli əsosi Pars Tudey xəbəş doə İron İslom Respublika xarici koon vəzir seyd Əbbas Ərağçi və ərəbıstonı xarici koon vəzir Feysəl Bin Fərhan təşkil doə telefoniyə əlağədə məntəğə cariyə hadisəon həxədə votımonışon dəvoniyə.Ərağçi təkidış kardə məntəğə ısətnə bıhron hərbiyə roş ni və əlovəş kardə İron İslom Respublika hozzıy Ərəbıston-Yəmən miyonədə votımoni bino kardeyu komək və bə qıləy siyasiyə ro rəseyu cəhd bıkə.