Məntəğə və dınyoədə mığovimətə qrupon soxtero İroni muhimmə rol.

İroni Yolə Rəhbəri aliyə hərbi məsləhətçi votışe: islamiyə inğilab və muğəddəsə mudafiyə şəhidon, bo dınyo millətonro zılmi vədə zumand mande və mığovimət məktəbi binoşon kardə.

Bə İrna raporti əsos, İroni Yolə Rəhbəri aliyə hərbi məsləhətçi qeneral mayor Yəhya Rəhim Səfəvi votışe: livanədə Hizbullah qrupi bino bey ijən Suriyadə İroni məsləhətiyə hərbiyə məşvərəton(mıstəşariyə fəaliyəton) ım kişvərədə mığovimət cəhbə binovrə ijən çın kişvəri hərbion boyis be.

Qeneral mayor Yəhya Səfəvi əlovəş kardə, ımruj İrağədə Həşdeşəbi hərbiyə qrup bə İroni islamiyə inğilabi ulqu və simvoli əsos bino be və karde zındəş be həmonə DAEŞ terroristiyə qrup ki hırdənon və jenon ğətli-am kardedə məğlub bıkə.

İroni Yolə Rəhbəri aliyə hərbi məsləhətçi təsdiğış karde: Yəmənədə həm 25 milyon Yəmənıj de İroni islamiyə inğilabiku ilham qəte ısət i bən və karde zındəşone Səudiyə Ərəbiston təcavuzi vədə mığovimət bıkən.

İroni yolə rəhbəri aliyə məsləhətçi həmçınin təkidış kardə: islamiyə inğilabi mığovimətiyə məktəb, Suriyə, İrağ, Bəhreyn,Yəmən və Fələstini ozod bəkəy və ım qıləy nuraniyə dərs heste ki İroni inğilabi və muğəddəsə mudafiə şəhidon bə 1 milyard o 600 milyon mısılmonon doşe.

Qeneral mayor Səfəvi təsdiğış kardə: əqə İroni yolə rəhbəri jıqo tədbirinə rəhbərəti və hidayəton bıə nəbe, ısət Dəməşğ və İrağ suğut kardəşon be.