İron və Ommani miyono bıə hərbi həmkarion.

Ommani hərbi heyət de İroni Sepah təşkiloti dıyo ğəvvon fərmondə vinımon iyən muzakirəş karde.

Bə İrna raporti əsos, çı Ommani silohinə ğıvvon muavin qeneral Əbdul Əziz Bin Əbdullah Əl-Munzeri dıştə ali hərbi heyəti bə ico zinə de İroni Sepah təşkiloti dıyo ğəvvon fərmondə vinımon iyən votımonış karde.

Həminə mulağatədə 2 tərəfi iyən reqiyonal hərbi həmkarion barədə sıhbət bıə iyən fərmondəon bə hərbi cəhəto həmkarion inkişofi təkid kardışone.

Hərbi təlimon inkişof, dıyo protokolon iyən həx-huğuqi rioyət karde, de terrorizm iyən ğaçaği mıştərik mubarizəon və xarıcion mudaxiləku bəkəno reqional əmniyəti təmin karde ın vindımonədə əcumlə bəyon bıə məsələonku be.