Sraya Əlğuds:şəhid Suleymani ıştə ruhış Fələstiniyu fidoş karde
Sraya Əlğuds:şəhid Suleymani ıştə ruhış Fələstiniyu fidoş karde
Sraya Əlğuds Fələstinı islamiyə cihad hərəkati hərbiyə baxşi yolə fərmondəonku qıleni, Fələstinı mığavimətiku himoyə karde xoto İroniku ğədrdanəti kardeədə votışe: şəhid qeneral mayor Ğasım Suleymani ıştə rohış Fələstiniyo fidoş karde.
Sraya Əlğuds Fələstinı islamiyə cihad hərəkati hərbiyə baxşi yolə fərmondəonku qıleni, Fələstinı mığavimətiku himoyə karde xoto İroniku ğədrdanəti kardeədə votışe: şəhid qeneral mayor Ğasım Suleymani ıştə rohış Fələstiniyo fidoş karde.
Əbuməhmud de İRANPRESS aqentəti xususiyə votımonədə Fələstinı mığavimətiku himoyə kardeyu İroni dırozə təcrubəku işarəş karde və votışe: İron İslam Respublika Fələstinı mığavimətı zumandətion inkişafiyu zumandə rolış bə.
Sraya əlğudsı ım yolə fərmondə votışe: əviki şəhid Ğasım Suleymani bə Fələstinı sərzəmin vardışe muhim və bə kar omə nəticon bin və Fələstinı mığavimət İron İslam Respublika himoyəon ğədri zındəy.
Əbuməhmud eyne holədə Sraya Əlğuds marzonədə bıə məmoriyəti həxədə əlovəş karde Fələstiniyə mucahidon mubarək Rəməzanə manqədə coqlə manqonku kəno imoniyə atmosferədə jidən və sərhədonədə sionistiyə deşmeni har qılə hərəkəti mıxtəlif baxşonədə kontrol kardən.
Sraya Əlğudsı yolə fərmondə votışe: Sraya Əlğuds Ğudsədə millət və mucahidon kənoədən və Fələstinı millət Beytulmığəddəs və Ələğsa məçitdə işğalqəron və sionistə mikrorəyonon sakinon vədə səbarz be holədə hestin.
Əbuməhmud əlovəş karde mığavimət mığəddəsə vıron iyən Ələğsa məçiti işğalqəron və sionistə mikrorəyonon sakinon təziqinə hərəkəton navədə hifz kardeyu ıştə hozzıətişon bə barzə səth rosniyəşone.
