Ğalibaf: Fələstin çı islam dınyo i minnə məsələy.

İroni İslami şura məclesi rəis Ğuds beynəl xalğə ruji dəme astanədə votışe: Fələstin çı islam dınyo iyən islami umməti i minnə məsələy.

Bə irib raporti əsos, İroni İslami şura məclesi rəis de İroni Tele-Rədio aqentiyəti jurnalisti mısohibə cərəyonədə bə İroni nizomi təsisəkə mərhum İmom Xomeyni tərəfo Ğuds beynəl-xalğə ruji nom noe iyən çəy peştədə bıə tədbir-sterateqiaon işorəş karde və votışe: dınyo qırd islami ummət və ozod tələbon həminə rujədə çı Fələstin məzlumə millətiku himoyədorəti kardeyro aksiyaədə iştirok bəkan.

İroni islami şura məclesi rəis ğuds beynəl xalğə ruji çı ımsornə sori xusyəton barədə votışe: işğali sərzəminonədə Fələstin məzlumə milləti mubarizəon bə tojə mərhələ varid bıə ki sionist rejimi dılədə veyə tars iyən niqəronəti zəminəş icod karde.

Ğalibaf təsdiğış karde: Ğuds beynəl-xalğə rujədə İron və dınyo co milləton iyən ozod tələbon iştirok Fələstin məzlumə millətiku himoyədorəti kardeyro iyən həmonə muğəddəsə sərzəminədə insuniyət, bəşər həxon və islamiku mudafiyə kardeyro bəbe.