Ğuds beynəlxalğə ruj, çı islom dınyo oğoəti ruj.

Imruj mubarək rujə manqi 27-nə ruj və de Ğuds beynəl xalğiyə ruj bərobəre, qıləy ruj ki dınyo mısılmonon iyən ozod tələbon deştə əzəmətinə şemoni və etıroz aksiyaon ijən Fələstin işğaliyə əraziədə bıə sionist rejimi cinoyət və siyasətonku ıştə nifrət və ğəyzi nışoşo doydən.

Imruj Ğuds beynəl xalğiyə rujədə, dınyo islamiyə kişvəron iyən ozod tələbon de İroni milləti həmzəman ıştə ğəyz və nifrəti çı sionist rejimi cinoyətonku elan kardeşone.

İroni millət ımruj ijən deştə hərorətinə iştiroki Fələstin millətiku himoyə dorti karde və de sionist rejim mubarizə barde sahədə de Fələstinıjon həmpeymonon bey elan kardışone.

İronədə Ğuds beynəl xalğiyə ruji şemon ımruj həmzəman 900 qılə şəhrədə bino bıə ijən çand həzo daxıli və xarıci jurnalist iyən muxbir ım mərasimiku xəbəon polo kardən.

İroni ğəhrəmanə millət bənə Korona nıbey soron bə Amerkə, sionist rejim, Ali-Səud iyən məntəğə xəyonətkor və saziş əkə kişvəron əleyh şuar doşone, əvon Ğuds və Fələstini ozodəti tələb kardedən.

Imrujnə yolə əzəmətinə aksiyaədə çı İroni rəsmi şəxson həm milləti kənoədə de şərifi Ğudsi hədəfon ıştə əhdi tojədən dəbasteşone.

Dınyo islami və ğeyri islamiyə kişvəronku rəsə xəbəon həm bənə jıqo əzəmətinə iştiroki nışo doydə.

1358 minnə sorədə, İroni islamiyə nizomi yolə memor, Həzrəte İmom Xomeyni(r), bə dınyo həmmə mısılmonon vığandə qıləy mesajədə Rəməzan mıborəkə manqi oxonə cımə ruji bənə Ğuds beynəl xalğə ruji nom noşe.

Im tədbiriku hədəfi, Fələstini sıtəm vində məzlumə millətiku himoydorəti, Sionist be ğanunə rejimi cinoyəton iyən təhdidon vədə Ğuds intifozə zumandəti, bə ın rejimi ələyh cəhbə təşkil doey, israili məhv kardero lozimə zəminəon icod kardey iyən bə məzlumə Fələstinıjon komək kardeyro mısılmonə milləton vəhdət elan bıə.