Şəhid Suleymani çı Fələstin iyən Ğudsi şəhid be.

İronədə bıə Həmas təşkiloti nımoyəndə İroni Sepah Ğuds təşkiloti nakonə fərmondə Şəhid hoci Ğasim suleymaniış çı Fələstin iyən Ğudsi şəhid bə hisobış varde.

Bə Fars aqentiyəti raporti əsos, İronədə bıə Həmas təşkiloti nımoyəndə Xadid Ğodomi tojədən votışe: Şəhid Suleymani islam umməti vey yolə şəhid be ki çəy şəxsiyəti barzə obraz fəğət hərbi cəhəto məhdud nıbe.

Ğodomi əlovəş karde: muğavimət meydonədə şəhid Suleymani çəmə yolə bıvə be boçi ki çəy fik iyən idia bənə qıləy mısılmoni bə Fələstin iyən dınyo mısılmonon komək kardey çərçivədə be.

İronədə bıə Həmas təşkiloti nımoyəndə təsdiğış karde: Qeneral Suleymani tosə ıştə umri oxoy, Livan, Fələstin, İrağ, Suriyə, Yəmən, İnduneziya, Əlcəzayer və islam dınyo har vırədə jığo fik kardedə be ki Ğuds iyən Fələstiniro çiçon əncom doe bəzne və çəy rol çiç heste, liza Hoc Ğasim Suleymani təsir İslam dınyo iyən Fələstin məsələdə vey hevuj iyən həmmətərəfin be.

İroni Sepahe Ğuds ğıvvə fərmondə, qeneral Ğasim Suleymani 2sor çimi bənav de İraği rəsmi şəxson dəvəti bə ım məmləkət səfərış kardə be ki, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi bə şəhodət rəsə.