De Ğudsi işğalçion mubarizə barde Fələstin milləti ğanuni həxe.
İroni xarıci vəziri sıxanəvot de Ğudsi işğalçion mubarizə bardey çı Fələstin milləti təbii iyən ğanuni həxe bə hisobış varde.
Bə İRİB raporti əsos, zinə ıştə bəyoniyədə sioniston bə Məçidul-Əğsa iyən nımoj votə kəson bıə tojə həmlə məhkumış karde və təkidış be: işğalçiyəti bə məhv bey tərəf şedə.
Səid Xətibzodə bə işğali əraziədə bıə bə Fələstinıjon zidd bıə israil apartaydə rejimi cinoyəton şiddəti ziod bey işorəş karde iyən çı reqional və beynəlxalğ hukumətonku tələbış karde ki Fələstin məzlumə milləti ıştəniku mudafiyə kardeyro məydonədə bımandon və komək bıkon.
Əv bə islam dınyoədə bıə vəhdəti əhəmmiyət işarəş karde və sioniston tojə cinoyəton şiddəti ziyod bey illəti bəzi xiyonətkorə hukuməton iyən israil rejimi miyono əloğəon normal bey sayədə zınə. be.
Mubarək Rujəmoədə bıə sionniston bə Məçidul-Əğsa və Fələstinıjon hucum iyən be ehtıroməti ijən dəvom kardeydə ki çandə nəfəri şəhid iyən zəxmin bey bois bıə.
