İsmail Həniyyə: Cenin şəhri şəhidon xun poymol nibəbe.

Fələstini Həmas islami muğaviməti hərəkati siyosiyə baxşi rəis, bə Ceninədə 3 qılə Fələstinıjə cıvoni şəhid bey ki de sioniston cinoyəti əncom bıə, reaksiya nışoş do və votışe: ım şəhidon xum poymol nibəbe.

Cımə sıbədə Cenin şəhrədə, sionist rejimi hərbion bə qıləy Fələstiniyə maşini qullə ğandən ki ım hodisədə 3 qılə Fələstinıjə cıvon şəhid bin.

Bə Ələhd aqentiyəti raporti əsos, Fələstini Həmas islami muğavimət hərəkəti siyosiyə dəftəri rəis İsmail Hənyə, de ım 3 qılə Fələstinıjə şəhidi ailəon telefoni votımon və ım cinoyəti məhkumış kardə iyən əlovəş do: sioniston de qıləy təyin bıə plani vositə ım cinoyəti əncom doşone.

Hənyə ijən votışe: Fələstinıjə cıvonon terror kardey, bə Fələstini milləti ələyh muxtəlifə silsilə cinoyəton dəvomədə icod bıə.

Fələstini Həmas islami muğavimət hərəkəti siyosiyə baxşi rəis bəyonış kardə: Fələstini şəhidon həmişə Fələstin, Ğuds və Məçitoləğsa mudafiə royku hərəkət kardəşone və muğaviməti roy çəvon tələbe.

Əv votışe: bə şəhidon roy həmçınan dəvom doə bəbe.

Dəvardə manqonədə bə Fələstini milləti zidd, sioniston ənıştə qədə şəhronədə sakin bıə kəson və hərbion cinoyəton muxtəlifə cəhətonədə vey çəşəçi əlovə peyoş kardə, ki həminə cinoyəton nəticədə, çand da nəfər çı Fələstini millət şəhid və çand sa nəfər həm zəxmin bin.