Əməni həm yod kənən

Sionist rejimi zindonədə, Fələstini əsironku kalion bə Beytullahelhərami hacion qıləy mesaj vığandeşone.

İşğaliyə Fələstini zindonon iyən karantinə zindonon daxıliku bə ərəbi iyən islami ummət xususi çəmə əzizə hacion səlom vığandəmon. Im mesaj çəmə məhəbbət, həsrət və dıltanqi nışonəy.

Imruj qıləy məktubinə mesaji ğolibədə de şımə sıxən votedəmon. iyən maştə de şımə dim bə dim sıxən bəvotımon. və inşaəllah Məçituləğsaədə de şımə vindemon bəkardımon.

Təğdir jıqo bıə ki nımoji mehrob iyən cihodi miyono de yande vəhdətımon bıbu, və tojədən de işğaləkəyon mubarizə kəmon və jıqo bıbəmon ki çəmə təğva və imon əlovə bıbu. çəmə əzizə hacion, ımruj əmə mıtəalə Xıdo vey çokə rujonədə jimon kardedəmon və şımə, dınyoədə vey pokə məntəğədə iştirokıtone və şımə pidəyone ki həminə zəmin və məntəğədə qəm peqətən.

Əmə şıməku tələb kardedəmon və umidımon heste ki şımə ıştə dıvoonədə əməni yod kənən və həminə nemət bə əmə ğısmət bıbu, əmmo işğaləkəyon zindon iyən çəvon zanciron bois bıə əmə ım nemətiku məhrum bıbəmon.

Pərvərdıqoriku, çəməro və bə çəmə saxtion iyən ozodionro muğavimət, səbr və səbarzəti tələb kənən. Xıdo vey rə çəmə mısibət iyən norohəti peqəto ta çəmə ailəon bıvindəmon və de şımə bə ico iyən de Əllaho Əkbəri vanqi votey Beytulmuğəddəsi səbarz kəmon.

Xıdo çəmə və şıməku, çokə koon və ibodəton ğəbul ko.

Zindonədə şımə əsir bıə bıvəon barədə:

Məhmud Arezə, Muhəmməd Arezə, Nəbil Əlmoğir, Zəkəriya Əlzəbidi, Mənazel Nəfiyat, Əli Əlsəfəvi, Mahir Əlhəşləmon, Ənvər Ələsa, Əbdullah Arezə, Caser Rədad, Əyad Ceradət, Məhmud Əbuşirin.