Bayden iyən Lapidi pesoxtə bıə bəyoniyə vədə İroni reaksiya.
Bə Bayden iyən Lapidi pesoxtə bıə bəyoniyə reaksiya nışo doeyro İroni xarıci vəzorətxonə elanış karde: təsə zəmoni ki Amerkə prezidenti bə məntəğə səfər kardə i minnə məğsəd israil ğeyre ğanuni dıvlət bıbu iyən Amerkə hədəf məntəğədə çı sionisit rejimi əmniyəti çərçivədə ko karde ğeyd bıə məntəğədə milləton və kişvəron sulh iyən oroməti nibəvinden.
İşğal bıə Ğudsədə, Amerkə prezident Co Bayden, iyən sionist rejimi iminnə vəzir, Yair Lapidi xəbəiyə iclosi həmzəman, 2 tərəf qıləy mıştərəkə bəyoniyə imzoşon kardən.
Im bəyoniyədə sionist rejim rabitəon de məntəğə kişvəron iyən ərəbi və islami kişvəron har çəxtə əlovə kardey cəhətədə, iyən qıləy məntəğə struktoron icod kardey cəhətədə bə Amerkə təəhhud təkidışon kardən.
Bə Fars aqentiyəti raporti əsos, zinə İron İslam Respublika xarıci vəzarətxonə Nasır Kənani qıləy Tvitterədə bə Amerkə prezident Co Bayden iyən sionist rejimi i minnə vəzir, Yair Lapidi mıştərəkə bəyoniyə reaksiya nışoş do iyən nıvıştəşe: Bayden və Lapidi mıştərəkə bəyoniyədə bə "Amerkə stabil və ğoymə təəhhud bə İsraili hərbi çokəti iyən əmniyyəti oqətey" təkid bıə be. xəto məbu, hədəf fəğət İron ni, bəlkəm ərəbi islami kişvər4on bəpe həmişə sionist rejimi çokəti ğəbul kon, çən məntəğəro vey muhimmə təhdid komil surət oşkoe.
Kənani ijən co qılə Tvitterədə nıvıştəşe: tosə zəmoni ki Amerkə prezidenti bə məntəğə səfər kardə i minnə məğsəd israil ğeyre ğanuni dıvlət bıbu iyən Amerkə hədəf məntəğədə çı sionisit rejimi əmniyəti çərçivədə ko karde ğeyd bıə məntəğədə milləton və kişvəron sulh iyən oroməti nibəvinden. İron İslam Respublika ıştə hamsuyə əmniyyət bənə ıştə əmniyyət zıneydə.
Əlovə kəmon, çoşəmbə rujədə, Amerkə prezident Co Bayden bə işğaliyə ərazi varid bıə, və ım əraziədə, de sionist rejimi mıvəğğətə iminnə vəzir, çəy prezident, Yair Lapid, çəy canqi vəzir, Beni Qantz və ım rejimi nakonə iminnə vəziron, Neftali Benet iyən Benyamin Netanyahu vindemonış kardə.
