Ərəbistoni xarıci vəzir: de İron muzakirəon mısbət dəvom kardeydə.

Ərəbistoni xarıci vəzir, bə ım nuktə işorəş karde ki Cəddə iclosədə, Ərəbi Nato mıvzo bəyon bəni, ijən təkidış karde ki Ər-Riyad de Tehroni rabitəon icod kardış pidə.

Zinə "Ciddə əmniyyət iyən bə inkişof rəsey" iclos de Amerkə prezident iyən Ərəbiston, İrağ, İordaniya, Misr, İ Bıə Ərəbə Əmirəti, Ğətər, Bəhreyni kişvəron yolon iyən Kuveyti vəliəhd və Omani i minnə vəziri iştiroki bərpo bıə.

Bə İran Pres aqentiyəti raporti əsos, Ərəbistoni xarıci vəzir, Feysəl İbne Fərhan ıştə sıxənonədə əlovəş do: Ərəbistoni dast həmçınan bə İroni səmt dıroze və Riyaz de Tehroni rabitəon normal kardey pidəşe.

Ərəbistoni xarıci vəzir, həmçınin votışe: de İron muzakirəon mısbəte, əmmo tosə bə ısət bə hədəf rəsəş ni və umidımon heste ki vəomeyədə təhəvolaton şoyd bıbəmon.

İbne Fərhan ijən təsdiğış do ki de İroni rabitə bərğəror kardeyro, diplomatiya hələkə royon vey çok iyən coyləti roy bə hisob omeydə.

Əv ijən votışe: nə Ciddə iclosədə və nə çımiku bənav, hiç vaxt de israil hərbi ya texniki həmkari mıvzo barədə sıhbət nıbıə.

Ərəbistoni xarıci vəzir ijən əlovəş do: Ərəbi Nato nomo onvan hiç vaxt nıbe, və az zıneydə nim ki ım nom kom vırəku omə və Ciddə iclosədə ım mıvzo bəyon nıbıə.