Tehronədə Astanə nomo siyasi votımonon iclos

Astanə nomo siyasi votımonon qarantiya əkə kişvəron yolon tojə iclos ımruj Tehronədə de İron, Rusiyə iyən Tırkiyə prezidenton iştiroki bərpo bıdə.

Suriyə bıhroni həlli barədə muzakirəon de İron, Rusiyə və Tırkiyə mıştərəkə həmkarion miladi 2017 minnə sori Ğəzaxıstanədə bino bıə.

İron, Tırkiyə və Rusiyə həminə muzakirə iyən otəş basti qarantiya əkən.

İroni xarıci vəzir tojədən bə həminə iclosi bərnamon işorəş karde və votışe: ın iclosiku əsli hədəf daveon kam kardey iyən Suriyədə stabilə şərayeti oqəteye.

Huseyn Əmirəbdullahiyan çı Suriyə iyən Tırkiyə miyono bıə problemon mudiriyət bey tələbış karde və əlovəş do: həminə mıvzo barədə İroni prezidenti mesaj çimi bənav bə tırkiyə elan bıə.

Suriyə avarəon oqordoniye əcumlə co məsələonin ki ımrujnə iclosədə bəy işorə bəbe.

Tojədən Tırkiyə 30 kilometr çı Suriyə sərhəddi daxilədə hərbi əməliyoti bino kardeyku qəp jəş be ki de İroni ciddi muxalifəti dim bə dim bıə.

In iclosədə iştirok kardeyro xəbə omə ki Tırkiyə prezident Rəcəb Ərdoğan ımruj sıb bə Tehron varid bıə.

Miladi 2011 minnə soriku, bə terroristiyə qrupon hevujə həmlə əsos, Suriyədə bıhran bino bıə. ım terroristiyə qrupon ki Ərəbiston, Amerkə, və çəy mıtəfiğon çəvonku himoyədorəti əkardin, çı sionist rejimi mənafe təmin iyən məntəğə hisob-kitobon əvəz kardey hədəf və niyyətışon be.

Suriyə ərtış de İron İslam Respublika məşverətiyə koməkon iyən Rusiyə himoyədorəti, muvəffəğ bıə ıştə kişvərədə DAEŞ terroristiyə qrupi məsələ həl ko.