Məhərrəmə manqədə zairon hevuj bə İraği mığəddəsə vırəon vığandey

Ərbəin mərkəzi ğərorqo rəis ımsornə sori Mıhərrəmə manqədə zairon hevuj bə İraği mığəddəsə vırəon vığandeyku xəbəş do.

İron və İraği rəsmi şəxson miyono vey muzakirəon əncom bıə ta ımsornə sori Mıhərrəmə manqədə zairon hevuj bə İraği mığəddəsə vırəon vığandə bıbun.

Jığo proqnoz bıdə ki ımsornə sori Ərbəin mərosimədə muxtəlif kişvəronku çand milyon zair Ərbini şemonədə iştirok bıkon.

Bə İroni daxıli vəzorətxonə raporti əsos, İroni Ərbəin mərkəzi ğərorqo rəis Seyd Məcid Mirəhmədi votışe: de İraği dıvləti saziş kardımone ki Mıhərrəmə manqədə zairon i nəfəri və dastə ğolibədə bə Nəcəf və Kərbəlo səfər bıkon.

Mirəhmədi əlovəş karde: de İraği kiçvəri vəzorətxonə sazışi bərobər, Mıhərrəmə manqi əyyomədə həm İronıjə zairon karde bəznın beməhdudiyət Mehran və Şələmçə sərhəddiku bə İrağ varid bıbun.

İroni Ərbəin mərkəzi ğərorqo rəis ijən izhorış karde: İroni zəmini sərhəddonku dəvardeyro lozimə şərt etıborinə pasport iyən vaksinasiya sənəd ğeyd bıə.