İroni 4 qılə marzon İmom Husey(ə)-i zairon səfəriro hozzı bıə

İroni nizomi-intizomi təşkiloti fərmondə votışe: Mehran, çəzzobə, şələmçə iyən Xosrəvi sərhəddon Mıhərrəmə manqədə zarion səfəri ro hozzı bıə.

Bə İRİB raporti əsos, Qeneral Huseyn Əştəri əlovəş karde: zairon şe-omeku bəkəno, pasporti sadir kardeyro həm lozimə həmohənqion de kişvəri vəzorətxonə iyən polisi əncom bıə.

Qeneral Huseyn Əştəri bənə Korona dıvraniku bənav həmməy koon barədə de İraği rəsmi şəxson həmohənqion əncom bıə.

Əv izhorış karde: tələbəon iyən şoqirdon həm de təhsil sənədi Mıhərrəmədə bə İrağ səfər karde bəznın.

İroni nizomi-intizomi təşkiloti fərmondə əlovəş karde: pasporti qəteyro huşinə sistemonro xidməton həm de mobili vositə əncom beyro zəminə hozzı bıə iyən cəmaət karde bəznın kədə ıştə koy əncom bıdə və tojə pasport bə çəvon adresi vığandə bəbe.

Hicri Ğəməri 1444 minnə sori Səfərə manqi 20 minnə ruj(Miladi 2022 minnə sori Sentiyabrə manqi 17 minnə ruj), de dınyo şiəyon 3 minnə İmom, İmom Husein(ə) və çəy bəfodorə əshabon şəhodətə ruji sorəqardışi bərobəre. Həminə rujədə iyən Ərbəine Huseyni mərosimədə iştirokiro, çand milyon zair bə İraği cənub bıə Kərbəlo şəhri vari bəben.