Bə Xıdo təvəkkul kardey nəticədə, İron və Hizbullah bənə muvəffəğə simvolin.

Yəməni Ənsarullah hərəkəti sərkatib, İron İslam Respublika iyən Livani Hizbullahku bə Xıdovənde mıtəali təvəkkul kardey nəticədə bənə muvəffəğə simvol yodış kardə.

İron İslam Respublika iyən Livani Hizbullah bənə muğaviməti cəhbə muhimmə uzvon, məntəğədə Amerkə-sionist-Səudi mehvəri xəbisə planon və hərəkəton mığubilədə vey muhimmə rolışone.

Bə İran Peres aqentiyəti raporti əsos, zinə şəv Yəməni Ənsarullah hərəkəti sərkatib Əbdulmalek Bədruddin Əlhosi bə Hicri Ğəməri noyə sori bino bey mınosibəti xoto, ıştə sıxənonədə, İron, Fələstin, İrağ, Suriyədə mısılmonə ozodəon və milləton iyən Livani Hizbullah bə Xıdo təvəkkul kardey nəticəku muvəffəğə simvol zıneydə, iyən təsdiğış do: de sionist rejimi rabitəon normal kardey səmti hərəkət kardey, inhirofi nəticəy.

Yəməni Ənsarullah hərəkəti sərkatib ijən bəyonış karde: mınofiğon, mısılmonon tabe beyro, de sionist rejimi rabitəon normal kardey plani bəyon kardən, əv ijən votışe: Məkkə, Beytullahelhəram iyən Ərəfati həcci mənasikonədə bə islamiyə umməti mığğəddəsə çiyon be ehtıroməti kardən.

Əbdulmalek Bədruddin Əlhosi ıştə sıxənon idomədə bəyonış karde: de deşmənon cəhdon mığobilə kardey qıləy imoni iyən zərruriyə təəhhud bə hisob omeydə iyən təsdiğış do: bə muğəddəsə çiyon be ehtıroməti kardeyədə mınofiğon hərəkət, subit kardə ki islami umməti həmmə şəxson, və de deşmənon cəhdon muğabilə kardeyədə, veyə cəhdon muhimmin.

Çımiku bənav və bə Ğədire xomi mıburəkə idi mınosibəti xoto, Yəməni Ənsarullah hərəkəti sərkatib həm ıştə sıxənonədə votəş be ki viloyət bois bəbe islami umməti miyonədə mınofiğon və deşmənon nıfuziku mane bıbu ijən təsdiğış doə be ki islami ummət, bə viloyət ehtiyocışe ta karde bəzne fitnəon vədə muğabilə kon.