Rəyisi: məntəğə iyən dınyoədə, Ərbəin beynəlxalğə muğaviməti cəhbə mərkəzədəy.

İron İslam Respublika prezident, Ərbəine Huseyn(ə)-i mərkəziyə ğərorqo uzvon vindemonədə təkidış karde: məntəğə iyən dınyoədə, Ərbəin beynəlxalğə muğaviməti cəhbə mərkəzədəy.

Hicri Ğəməri 1444 minnə sori səfə manqi 20, miladi 2022 minnə sori sentiyabri 17, Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, həminə rujədə çandə zairon İmom Huseyn(ə)-i pokə hərəmi ziyorət kardeyro bə İraği cənubədə bıə Kərbəlo şəhri varid bəben.

Bə prezidenti məlumatərosnə mərkəzi raporti əsos, zinə, Ərbəine Huseyn(ə)-i mərkəziyə ğərorqo uzvon vindemonədə İron İslam Respublika prezident, Sed İbrahim Rəyisi, Ərbəin mərosimi har çəxtə əzəmətin surət bərpo kardeyro, həmmə təşkilaton iyən vəzarətxonəonku ğədrdonətiş karde iyən votışe: aləmədə Aşura bəji mandeyro, Ərbəin bənə zəmonətəkə iyən həmmə təhəvulaton nışonəy  əv əlovəş do: Ərbəin mərosimi oqətey iyən həminə barədə milləti zərfiyətonku istifodə kardey vey muhimme.

Rəyisi ıştə sıxənon dəvomədə votışe: Ərbəin hərəkəti təsis kardeyədə, İmom Zeynulabedin(ə)-i hərəkət bois bıə ki İmom Huseyn(ə)-i ğiyomi hədəf və çəy şəxsiyət, həmmə insononro təhəvuli binoəkə iyən bəşəriyətiro təbyin bıbu.

İron İslam Respublika prezident, çokə xıdmət ərosnəro, Ərbəin zairon səmtiku səfəri mudiriyət kardey zərrurəti təkidış karde iyən votışe: dıvlət iyən rəsmi şəxson vəzifəşone Huseyni zaironro, vey çokə şəroyet icod kon.

Rəyisi ijən əlovəş do: be şək de Xıdo lotf iyən Həzrəte Əbaəbdullah(ə)-i inoyət ijən Əhle Beyt(ə)-i xandani aşiğon irodə və kəmək və həmmə təşkilaton hoston kardey, ım mərosim har çəxtə əzəmətin surət bərpo bəbe.