Bə Suriyə şərği məntəğəon Amerkə terroristə ərtışi həmlə.

Amerkə terroristiyə ərtış co kərə bə Suriyə kali məntəğəon həmləş kardə.

Dəvardə soronədə Amerkə terroristiyə ərtış çı təkfiri terroristonku himoyədorəti çərçivədə, bə Suriyə mıvğiyət iyən ərtışi həmləş kardə.

Bə İran Peres aqentiyəti raporti əsos, ımruj sıb xəbəiyə mənbəon elanışon kardə ki ım kişvəri şərğədə Amerkə terroristiyə ərtış hevujə həmləonış bə Suriyə ərtış iyən muğaviməti qrupon əncom doe holədə be, ki de Suriyə ərtışi həvoiyə mudafiə iyən mığubilədə dim bə dim bıə.

Kali mənbəon həm xəbəşon do ki Suriyə şərğ, Deyrulzor ostanədə Əlməyadin məntəğədə Suriyə ərtışi arteliya iyən Amerkə hərbion miyono otəş mıbodilə bıə(bə yande səmti həmlə kardeşone).

Çoşəmbə rujədə, Deyrulzorədə de Amerkə işğalçiyə hərbion vositə bə Suriyə strukturon iyən təsisaton həm həmlə bıə be.

Vey zəmone ki Suriyə şərğ və şimolədə, Amerkə hərbion və bə çəvon vabəstə bıə terroristiyə amilon ğəyre ğanuni iştirokışone, və əlovə bə ım kişvəri nat iyən taxıl mənbəon ğarət kardey, bə Suriyə hərbion və sakin bıə kəson ələyh həm hərəkəton iyən həmləoni əncom dodən.

Çımiku bənav həm Suriyə xarıci vəzir, Feysəl Əlmeğdad, ıştə sıhbətonədə bə Suriyədə bıə Amerkə iştiroki ğəyre ğanuni bey işorəş karde iyən Amerkə işğaləkəyonku tələbış kardə be ki təcili Suriyə sərzəmini tərk kon.

Amerkə bənə Suriyədə bıə terroristonku vey muhimmə himoyəkəy.

Miladi 2011 minnə soriku, de terroristiyə qrupon hevujə həmləon, ın kişvərədə bıhran bino bıə. həminə terroristiyə qrupon ki Ərəbiston, Amerkə, və çəy mıtəfiğon çəvonku himoyədorəti əkardin, çı sionist rejimi mənafe təmin iyən məntəğə hisob-kitobon əvəz kardey hədəf və niyyətışon be.