Ərbəine Huseyni(ə) zairon əmniyyət, İroni dıvləti iminnə koonin.
İroni kişvəri vəzir işorəş karde ki Ərbəine Huseyni(ə) mərosimədə dınyoku çand milyon nəfər iştirok kardedən, əv ijən votışe: zairon əmniyyət, çəməro vey muhim iyən əsosinə məsələy.
Zinə Ərbəine Huseyni(ə) səlomət beynəlxalğə iminnə onemon bərpo bıə. bənav soronədə Ərbəine Huseyni(ə) yolə şemonədə bə səlomət baxşi zəifətion iyən muşkilaton diyə kardey, lozimə hələkə roon iroə doey iyən dəvardə muşkilaton məhv kardey, ım onemoni hədəf be ki de kişvəri vəzir Əhməd Vəhidi, Sıə hiloli Cəmiyəti rəis, Pir Huseyn Kolivənd iyən həc və ziyorəti koonədə vəlie fəğih nımoyəndə Sed Əbdul Fəttah Nəvvabi iştiroki bərpo bıə.
Bə İran Peres aqentiyəti raporti əsos, ım onemonədə kişvəri vəzir, Əhməd Vəhidi proqonoz bıdə ki ımsor və İroni səmtiku 4.5 milyoniku vey Ərbəine Huseyni(ə) zair bə İrağ varid bəşen. əv ijən votışe: intizor ıme ki çəmə əzizə zairon de komilə əmniyyət surətədə ıştə səfəri bə oxo bırosnon, ım hədəfi bə vırə rosniyeədə Sıə Hiloli Cəmiyət iyən co təşkilaton əcumlə səhiyyə vəzarətxonə səmtiku vey həmkoətion əncon bəbe.
Vəhidi ijən Ərbəine Huseyni(ə) mərosimədə bə İran və İraği həmkoətion işorəş karde iyən təsdiğış karde: Ərbəine Huseyni(ə) mərosimədə bəpe mığəton jəqo bıbun ki de noxəşətion muğabilə kardey baxşədə hiç problem icod nıbu.
Im onemonədə İroni Sıə Hiloli Cəmiyəti yol ijən işorəş karde: İroni marziku tosə Nəcəf və Kərbəlo xıdmət ərosneyro vey planon əncom bıə.
Əv ijən votışe: Ərbəine Huseyni(ə) mərosimədə İraği Sıə Hiloli Cəmiyət iyən Həşdu-Əlşəebi ğıvvon bə İron vey komək iyən himoyə kon.
Şəhrivərə manqi 26, (Hicri Ğəməri 1444 minnə sori səfə manqi 20, miladi 2022 minnə sori sentiyabri 17), Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje, həminə rujədə çand milyon zair İmom Huseyn(ə)-i pokə hərəmi ziyorət kardeyro bə İraği cənubədə bıə Kərbəlo şəhri səfər bəkan.
