Ərbəyin, İmom Huseyn(ə)-i ğəhrəmonəti dəvomiro ramze.

Tehroni cımə İmom işorəş karde ki vey çok iyən barzə İlahi mərosimonku qıləyni Huseyn(ə)-i mərosimonin iyən təkidış karde: Ərbəin, İmom Huseyn(ə)-i ğəhrəmonəti dəvomiro ramze.

Bə İran Peres aqentiyəti raporti əsos, Tehroni mıvəğğətə cımə İmom, Huccətul İslam vəlmuslemin Muhəmməd Cəvad Hacəliəkbəri cımə nımoji xotbəonədə işorəş karde: bəşəriyətədə Ərbəin bənə vey yolə ictimaonku bə hisob omeydə ki dınyoədə mıslış ni və vey yolə insoni şemon bə hisob omeydə.

Əv votışe: Ərbəini şemon bə qıləy beynəlxalğə hərəkət iyən yolə hodisə əvəz bıə ki bəvədə, təğribən 25 milyon zair iştirok kardedən.

Tehroni cımə İmom, İmom Huseyn(ə)-i ğəhrəmonəti beynəlxalğ beyro, Ərbəini qıləy mislış nıbıə beynəlxalğə mediya zınəş be iyən votışe: islami tojə sivilizasiya icod kardeyro, Ərbəin, zəminə icodəkəye və bois bəbe həmmə dınyoədə, Əhle Beyt(ə)-i tərəfdaron zərfiyəton bə yande rabitəşon bıbun iyən həğiğətədə Ərbəini hərəkət bə istikbor və ısətnə cohiliyəti ələyh, qıləy yolə aksiya və manıvr bə hisob omeydə.

Huccətul İslam vəlmuslemin Haciəliəkbəri həmçınin bə İrağədə bıə tojə hodisəon işorə və təkidış karde İron İslam Respublika, İrağədə qıləy stabilə dıvləti pidəşe ijən əlovəş karde: İron İslam Respublika bənə dəvardə zəmononədə İraği əmniyyət, rifoh, ozavziyə və səadətiro ıştə həmmə cəhdon əncom dodə.

Tehroni cımə İmom bə dıvləti heyəti uzvon de İroni Yolə Rəhbəri vindemoni işorəş karde və votışe: 13 minnə dıvlətədə veyə diplomatiya zərfiyətış heste, xususi reqional həmkoətion və de hamsuyəon rabitədə. kırtə mıddətədə ki kişvər ım metodiku istifodış karde beynəlxalğə rabitəonədə balansinə şəroyeti icodış kardə.

Huccətul İslam vəlmuslemin Muhəmməd Cəvad Hac Əli Əkbəri bə atomiyə sazışi muzakirəon prossesi dəvom həm işorəş karde və təsdiğış karde: İroni nəzəon bəyon bıən və umidımon heste Avropa həm de İroni həmkoəti fırsətonku istifodə və bəştə təəhudon əməlko boçiki əqə jıqo nıbu peşmon bəben.