Ğətəri Əmir: İron vey muhimmə kişvəre.

Ğətəri Əmir Şeyx Təmim İbne Ale Sani de Lopoen nomo bıə Fransə jurnali mısohibədə, məntəğə iyən dınyoədə, İron İslam Respublikaku bənə vey muhimmə kişvər yodış kardə.

İron İslam Respublika bənə mıstəğil iyən zumandə kişvər, dınyo iyən Asiya ğərb məntəğədə vey muhimm iyən təsirinə roləkəyonku bə hisob omeydə.

Bə Tele-Rədio aqentiyəti raporti əsos, de Lopoen nomo bıə Fransə jurnali mısohibədə, Ğətəri Əmir təkidış karde: İron vey muhimmə kişvəre, iyən təsdiğış karde: Doha de İron vey torixiyə rabitəşe.

İron İslam Respublika iyən Ğətər bənə 2 qılə hamsuyə, de yande vey çokə rabitəşone, İroni xarıci siyasətədə Ğətər vey muhimm iyən iminnə kişvəronku bə hisob omeydə. tole torixədə, 2 qılə kişvəri rabitəon nışoş do ki həmişə İron və Ğətəri mınosibəton nığıl iyən bə inkişof rəsey mınosibətonku be.

Im mısohibədə Şeyx Təmim İbne Ale Sani həmçınin Avropaədə bə enerji bıhron işorə iyən votışe: Ğətər bə Avropavıjon komək bəkarde iyən çəvonro qaz ovoştoniyə bəbe əmmo ım mıvzo ki Rusiyə qazi əvəz kardənine, səhih ni.

Dəvardə manqonədə Avropa kişvəronro qazi təmin kardey bənə ciddiyə problem əvəz bıə. Avropavıjon ki Ukrayna canqədə de Rusiyə təziğonədə ğəror doey vositə muxtəlifə sanksiyaon təyin kardəşone, holihazırədə de şifddətin surətədə de kamə sutemon dim bə dimin.

Avropa qitə rəsmi şəxson de iğtisodi sanksiyaon icod kardey vositə, cəhdışone ki Ukrayna canqədə Rusiyə təziğədə ğəror bıdən əmmo tosə bə ısət Avropa vədə ım siyasət, əks nəticəş do.

Bə Rusiyə ələyh Avropa sanksiyaon reaksiyaədə, Moskva bə havzə qitə səmti qazi ixracati kam kardə jəqo ki ısət, zımıstonədə Avropa kişvəron ıştən sutemoni təmin kardeyro, niqəronin.

Həmçınin de enerji ğeyməton bohoəti vositə, de şiddətin bə Avropa iğtisod təsirışe, veyə koon ki bə ruşnə bohoəti xoto, tətil bey holədən, və Avropa şahrvandonku veyə kəson qaz iyən ruşnə puli doey əzı nin.

Avropa muxtəlifə kişvəron rəsmi şəxson niqəronin ki Im şəroyet ictimai etırazon bino beyro zəminə bıbu.