Bə mısılmonon iminnə ğıbilə sioniston tojə həmlə.

Sioniston pesoxtə bıə qədə şəhronədə sakin bıə kəson de ım rejimi hərbiçion himoyə vositə, bə mısılmonon iminnə ğıbilə, Məçitoləğsa ijən həmləşon karde.

Təğribən har ruj, Məçituləğsaədə, sioniston hevujə həmlə əncom bıdə, ki cəmi surətədə iyən de sionist rejimi hərbiçion himoyə vositə, dəvom kardedə iyən sioniston bə ım məçiti varid bey bois bəbe.

Sioniston de bə Məçitoləğsa həmləon iyən təcavuzon əlovə kardey vositə, ım məçiti torixi iyən vırə cəhəto təğsimiro şəroyeton icod kardey dumoədən.

Bə Anatoli aqentiyəti raporti əsos, zinə çand da nəfər çı sionist, bə Məçitoləğsa muğəddəsə vırəon həmləşon kardə iyən bə kali şoydon votəyon əsos, ım məçiti ğərbi baxşədə, Əlməğarebə bəyku, sionist rejimi parlamenti ifrotiyə uzv, İtmar İbne Ğəfir, de İsraili polisi himoyəon bə ım muğəddəsə vırə varid bıə.

Bə ım mənbə voteyon əsos, sionist rejimi hərbiçioni bə Fələstinıjə nımoj votə kəson icozə nıdoşone bə ım məçit varid bıbun, iyən əvon məçiti bəon peştədə mandə bin.

Çımiku bənav həm israili rost tələb iyən ifrotiyə qruponku kalion, Yəhudi mərosimon dəvoniyeyro elan kardə bin ki bə Məçitoləğsa hevujə həmləon əncom bədon, ım həmləon şəmbə rujiku bino bıə və tosə 3 haftə dəvomış be.

Fələstinıjə təşkilaton həm beko nımandin və ım rujonədə Məçitoləğsa muğəddəsə daxılədə Fələstinıjon hevujə iştiroki tələbışone.