İroni oxonə iğtişoşonədə DAEŞ-i amilon dastqirəti.

İroni şimol ğərbədə, iğtişoşonku kali ki terroristiyə qrupon amilonku kalion de əmniyyəti hərbiçion vositə, dastqir bıən.

Cımə rujədə, qıləy əmniyyətiyə aqahə mənbə de Fars aqentiyəti votımonədə, xəbəş do ki İroni şimol ğərbi etırozonədə, DAEŞ-i terroristiyə qruponku çand qılə amil dastqir bıə.

3 ruj çımiku bənav həm Azərbaycane Ğərbi cənub etırazonədə, Komlə və Demokrat terroristiyə qrupon uzvonku çand nəfər dastqir bin.

Im şəxson etırazon lider iyən rəhbəronku bə hisob omeydə bin.

Zinə şəv həm, Tehron iyən İroni çand qılə şəhronədə, bə Xanım Məhsa Əmini marqi bəhonə xoto, iğtişoşçion bə umumi iyən xususi təsisaton və əmniyyəti mudafiə kardə kəson həmləşon karde.

Im həmləonədə, de iğtişoşçion vositə bə İmdod, ambulanson və vəşokıştə maşinon həm zərəl-ziyon varid bıə. jəqo ki tosə bə ısət səhiyyə iyən imdodiyə məmuronku çand nəfər zəxmin iyən noxəşxonəonədə oloxtoniyəşone və 61 qılə ambulans həm xərob be.

Həmçınin polisi məmuronku çand nəfər ki umumiyə vırəon vılo kardey vəy qəte holədə bin, de iğtişoşqəron vositə, şəhid bıən.

Həminə cəhətədə və cımə nımoji bəpeşt, Tehron iyən İslamiyə İroni muxtəlifə şəhronədə, muxtəlifə milləton iyən nımoj votəyon, bə noəmni, be ğanunə hərəkəton iyən iğtişoşi ələyh aksiya bərpo kardeşone.