Suriyə iminnə vəzir: Suriyədə, İronıjə kəmpaniyaon investisiyaku himoyə kardedəmon.

Suriyə iminnə vəzir de İron İslam Respublika roy iyən şəhr soxtey vəziri vindemonədə təkidış karde: Suriyədə, İronıjə kəmpaniyaon investisiyaku himoyə kardedəmon.

Zinə Dəməşğədə, Suriyə iminnə vəzir, Huseyn Ərnus, de İron İslam Respublika roy iyən şəhrsoxtey vəzir Rostəm Ğasımi vindemonədə bə Suriyə kişvər iyən millətiku İroni həmmə tərəfiyə himoyəon işorəş karde iyən votışe: bə Suriyəku daim iyən həmmə tərəfiyə himoyəon xoto, İslamiyə İnğilobi Yolə Rəhbər, millət və İron İslam Respublika dıvlətiku, təşəkkur iyən ğədrdonəti kardedəm.

Im vindemonədə Suriyə iminnə vəzir votışe: beədolətə mıhosirədə ğəror qətəmone əmmo əmə İroni investisiyaəkəyonku ki Suriyədə iştiroki meylışone himoyə kardedəmon.

Həmçınin ım vindemonədə, İron İslam Respublika roy iyən şəhrsoxtey vəzir, bə Suriyəku Tehroni himoyəon təkidış karde iyən votışe: Suriyə dıvlət iyən millətiku, İroni milləti himoyəon dəvomışe.

Ğasımi əlovəş karde: ticari baxşədə və kə soxtey yolə planonədə karde bəznemon çokə həmkoətion əncom bıdəmon.

İron İslam Respublika roy iyən şəhr soxtey vəzir, roy iyən şəhr soxtey baxşədə 2 qılə kişvəron miyono təvafuğnoməon barədə, məşverəton əncom doey xoto, bə Suriyə səfərış kardə be.

İctimai kə dutey baxşədə 2 qılə kişvəri həmkoəti bə inkişof rosniye iclos həm de İron İslam Respublika roy və şəhrsoxtey vəzir iyən Suriyə Ərəbi Respublika sakin bey vəzir Soheyl Əbdullətif bərpo bıə.