Bəğdadədə şiddətinə əmniyyəti tədbiron.
İraği prezidenti vıjniyəro, iyən çı İraği parlamenti iclosi bərpo bey astanədə, xəbə omə ki, Bəğdadədə əmniyyəti tədbiron əncom beydə.
İraği parlamenti rəis, Muhəmməd Əlhəlbosi xəbəş do: ımruj pencşəmbə rujədə İraği tojə prezidenti vıjniyero ım kişvəri parlamenti iclos bərpo bəbe.
Bə çoşəmbə ruji Şəfəğ Niyuz raporti əsos, qıləy İraği əmniyyəti mənbə ım xəbə elanış iyən əlovəş karde: İraği əmniyyəti hərbiçion Comhuri pardi dəbastəşone.
Həmonə mənbə xəbəş do: nimə şəviku İraği paytəxt, Bəğdadədə əmniyyəti planon əncom bəbe, ım planono şe-omey məhdudiyəton, roon iyən pardon dəbastey şomilin.
Im plan saət 12 şəv icra bəbe.
Əlməyadin jurnalist həm elanış karde: bə əmniyyəti hərbiçion qətə məlumaton əsos, de əmniyyəti hərbiçion vositə, Bəğdadədə Əlsənq pard dəbastə bəbe və Əlxəzra məntəə əmniyyətiro məxsusə tədbiron əncom bəbe.
Dəvardə Oktiyabrə manqədə, İraği vey rə parlamenti səçın bərpo bıə əmmo ısət və de ım vucud ki ım səçıniku 1 sor dəvardedə, partiyaon miyono ixtilafon dumoədə, hiç qılə dıvlət icod nıbıə və bə həminə illət ım kişvərədə qıləy siyasiyə bıhron icod bıə.
