Xıdo Rəsul(s) iyən İmom Cəfər Sadığ(ə)-i milad ruji mınosibəti təbrik

Imruj cımə Hicri Ğəməri 1444 Rəbiuləvvələ manqi 17 minnı ruj bərobər de Miladi 2022 minnə sori Oktiyabrə manqi 14 minnə ruj Həzrət Muhəmməd Mustəfa(s) iyən imomət və vilayəti 6 minnə ruşnə Həzrət imom Cəfər Sadığ(ə) bə dınyo omə ruje.

Dəvardə rujonədə, İslamiyə İroni muxtəlifə məntəğəon millət, həm şiə və sınni əholi de ranqinə çirağon və boydəğon vositə, məçiton, kəon, koçəon iyən dukonon dərosniye, mərosimon bərpo kardey iyən şini pəxş kardey, İlahi oxonə peyğəmbər, Həzrəte Muhəmməd(s)-i mıborəkə milad ruji şoə mərosimon bərpoşon kardə.

Peyğombəre Əkrəm(s)-i miladi şoə mərosimədə, İslamiyə İronədə, şiə və sınni mısılmonon iştirok, islamiyə umməti vəhdət və hamdıləti ğəşənqə nışonəonin.

İslami qıromiyə Peyğəmbər (s) və İmom Cəfəre Sadığ (ə)-i bərəkətinə milad ruji sorəqardışi şəv iyən ruji əyyomədə, məxsusə bərnoməon əcumlə muğəddəsə vırəon, məçiton iyən xiyabononədə Əhle Beyte İsmət və təharət(ə)-i barədə nıtğ iyən mədihə handey bərpo bəbe.

Xıdo rəsuı(s) və imom Cəfər Sadığ(ə) milad sorqardımonədə məxsusə bərnamon əcumlədə alimony sıxan karde iyən məçiton təkiyəon əcumlədə ironi şimal şərğ Məşhəd şəhrədə dınyo şiəyon 8 nə imom həzrət imom Rıza(ə) pokə hərəmədə əhle beyt (ə) zakiron mədihəşon hande.

Sınnion əholi, Rəbiuləvvələ manqi 12 minnə ruj və şiəyon ım manqi 17 minnə ruj, İslami qıromiyə peyğəmbər(s)-i milad ruji sorəqardış zıneydən.

İron İslam Respublika Yolə Təsisəkə, Həzrəte İmom Xomeyni(r) ki ıştə islam dınyoədə vəhdəti vanq kardə bıə kəson be, ım məsələku vəhdət və islami qrupon nez beyro istifodəş kardə və ım 2 qılə torixi miyono (Rəbiuləvvələ manqi 12 tosə 17 minnə ruj) vəhdət haftə nom noəş be.

İron İslam Respublika tele Rədio tərəfiku Həzrət Myhəmməd(s) iyən Həzrət imom Cəfər Sadığ(ə) bə dınyo omə ruji mınosibətiku bə həmmə mıslmonon dınyoədə ozodi tələb kardə kəson məxsusən tolışə həmzıvonon təbrik votdəmon.