Əmirəbdullahiyan: İraği Kırdıstonədə terroriston silohinə iştiroki dəvomi tov nibəvardemon.

İron İslam Respublika xarıci vəzir təsdiğış karde: İraği Kırdıstonədə terroriston silohinə iştiroki dəvom və bə İroni əmniyyəti ələyh çəvon hərəkəton tov nibəkardemon.

Bə Fars aqentiyəti raporti əsos, zinə Huseyn Əmirəbdulahiyan de İraği əmniyyəti ali şura sərkatib Ğasım Əlerəci vindemonədə, işorəş karde ki həmmə baxşonədə İron və İraği rabitəon bə inkişof rəsey holədəy, iyən təkidış karde: bəpe əmniyyəti baxşonədə əcumlə İraği Kırdıstoni məntəğədə de silohinə terroriston mubarizə bardeyro, 2 qılə kişvəri həmkoətion əlovə bıbu.

Əmirəbdullahiyan ijən təkidış karde: 2 qılə kişvəri rabitəon stratejik iyən mımtoze və əmə İraği əmniyyəti, bənə İroni əmniyyət zıneydəmon, ijən əlovəş karde: de diğğət bə İron İslam Respublika və İraği Respublika çokə rabitəon, əmə intizorımon ni ki İraği Kırdıstoni sərzəmin, bə İroni ələyh təhdid və terroristiyə hərəkətonro qıləy vırə bıbu.

Əv ijən İraği mərkəzi dıvlət və İraği Kırdıstoni iğlimiku tələbış karde: İraği Kırdıstoni məntəğ tərəfo bıə təhdidon betəsir kardeyro pəpe de terroristiə apartayd quropon mubarizə bıbu.

İraği əmniyyət şura sərkatib həm ım vindemonədə votışe: İraği konstitusiya icozə dodə niki, hamsuyəonro təhdid icod kardə kəson və cərəyonon, bəştə fəaliyəton dəvom bıdən.

Ələerəci peştepurətiş do ki Bə İroni ələyh bıə harcurnə anti əmniyyəti hərəkəton de mərkəzi iyən iğlimi dıvlət ciddi reaksiya və mane dim bə dim bəbe və İrağ, İroni əmniyyəti bənə ıştə əmniyyət zıneydə.