Nəhcul-Bəlağə pand iyən hikməton

Nəhcul-Bəlağə pand iyən hikməton

Əmirəl-Muminin Həzrət İmom Əli(ə) Nəhcul-Bəloğə 150- hikmətədə jıqo hamyedə:”La təkun... fəhuvə bilğəovli mudillun və minəl-əməli muğillun:çə kəsonku məbi ki,ıştəni bəsə cokəsonsə barz zıneydə iyən əmələdə kam ...”.

Mərdum bə imoni iyən dini dəsturon əsos,ço dastən:bə mumin,kofir,fosiğ iyən mınofiği sıfəton təğsım beydən.Kərimə-Ğıron bə Xıdo iyən bə ğıyoməti ruji bovəşon bıə iyən bə İlahi dəstur və fərmonon əməl kardə insonon muminon nomış noə.bə dastə ki,bə Xıdo iyən bə ğıyoməti ruji imon və bovəşon nıbu və qıləy çokə əməlışon həm nıbo,bəy kofir votedə iyən coqlə dastə ki,bə Xıdo iyən bə ğıyoməti ruji bovə iyən imonışon heste,əmmo çe əməli əhl nin,fosiğ votedə.coqlə qrup əvonin ki,əvon bə Xıdo iyən bə ğıyoməti ruji nisbətədə qıləy ğəlbiyə imon iyən bovəşon ni,əmmo zohiri əməlışon heste,bəvon mınofiğ votedə.Xıdovənd çın dastə əməlon hiçvaxti ğəbul kardedəni.

Həzrət İmom Əli(ə) bəştə dustonku qıləyni jıqoş hamye:”dəvardə soronədə qıləy dini bıvəm hestebe....(Kanə yəfəlu...) Əv,bəştə votə çiyon əməl kardedəbe iyən bəştə nıvotə çiyon həm əməl kardedəbe”.

Ə Həzrət bın cumlədə ıştə dini bıvə tevsifədə hamyedə ki,Əv,hətto bə cokəson tevsiyə nıkardə ziyodə əxloği iyən rəftori fəziləton həm bəvon əməl kardedə.yəni bə cokəson sıfarış nəkardə çiyon,ıştən həmonə pəsəndidə iyən çokə əməlon əncom doydəbe.beşək,jıqo qıləy şəxs ləyoğət pəydo kardedə ki,Əmirəl-Muninin Həzrət İmom Əli(ə) əy bənə ıştə boə unvoni zikr kardedə.əmmo ikəs ki,ıştə zohiri de dini iyən əxloği fəziləton dərosteydə,əmmo botınədə bəvon qıləy etığodış ni və bəştə votə çiyon əməl kardedəni,bəy mınofiğ votedən.

Həzrət İmom Əli(ə) 150-ə hikmətədə ıştə nəsyəton idomədə jıqo hamyedə:”La təkun mimmən...yənafisu fima yəfnəy və yəsamihu fima yəbğa.(çə kəsonku məbi ki,bo rədəvardə dınyəvi jimoniro ziyodə səy və cəhdon kardedə.əmmo bo əbədiyə axırətiro səhlənkoəti kardedə”.

İnsoni dıjd iyən ğeyri-rasiyonalə səhfonku qıləyni ıme ki,əv,ıştə qırd ğıvvon çe foni iyən rədəvardə dınyo xıdmətədə oko doydə.əmmo baqi mandə iyən çəy əbədiyə jimoni təşkil doə çiyku,ğafile.qıləy holədə ki,dınyo iyən axırət iyandeyku co nin,bəlkəm dınyo çe axırəti məzə və kaştemoni sahəy iyən bə İlahi mərıfəti rəseyro çe mənəviyyoti kəsb kardey və ticorətxonə vırəy və Əv,bəpe bə ın hədəfi rəseyro səy bıko iyən İlahi həmmə nemətonku bəpe bəhrə bıbardo...