İroni Mehran marziku bə İraği kişvər, 900 milyon dollar əmtəə ixracat.

Dəvardə manqədə İroni Mehran beynəlxalğə marziku bə İrağ kişvər, 900 milyon dollar əmtəə ixrac bıə.

Bə İrna raporti əsos, İroni İlam ostani qomroki mudir, Ruhullah Ğolami votışe: Mehran beynəlxalğə marzi royku, 900 milyon dollar əmtəə de 1 milyono 944 həzo ton vəzn bə İraği kişvər ixrac bıə.

Ğolami ijən əlovə. karde: ım miğdor əmtəə ixracat, vəzni cəhəto, 89 faiz iyən erji cəhəto 72 faiz əlovə bey nışoş do.

İroni İlam ostani qomroki mudir,de işorə bə Mehran marziku ixracat məhsulon bə İraği kişvər təsdiğış karde: bina soxtey məteriyalon, mivə və havzə, pelastik məhsulon, sənaye, şişə, kə ləvazimon və metal, ım ixracati vey muhimmə məhsulonin.

Ğolami ijən təkidış karde: dəvardə sorədə həm Mehran beynəlxalğə marziku bə İrağ və co kişvəron 1 milyardo 161 milyon dollar muxtəlifə məhsulon ixrac bıə.

İroni İlam ostanədə, Mehran marziyə şəhr, təğribən 230 kilometr de İraği paytəxt, Bəğdad fasiləş heste, və bə ixracati fəaliyəton mərkəz və de hamsuyə kişvəron şe-omey əvəz bıə.