Bə İraği tojə iminnə vəzir, Rəyisi təbrikə mesaj.

İron İslam Respublika prezident, qıləy mesaji ğolibədə, bə İraği tojə iminnə vəzir, İraği dıvləti icod bey iyən məsuliyəti ohdə qətey, bəy təbrik votışe.

Zinə İron İslam Respublika preziddent, Sed İbrahim Rəyisi qıləy mesaji ğolibədə, bə Muhəmməd Şiyae Sodani, iminnə vəziri vey muhimmə məsuliyət ohdə qətey və de nımoyəndəon parlamenti etemo sədo vositə, İraği dıvləti icod bey bəy təbrik votışe iyən İraği ozavziyə və inkişofin cəhəto, ım kişvəri tojə dıvlətiro muvəffəğiyət urzo və təkidış karde: de sazəndə və mısbətə roli ifo kardey vositə, obod, mıstəğil və zumandə İraği mucud bey, karde bəzne məntəğə əmniyyəti bə vırə rəseyədə, təsirin bıbu.

Bə Prezidenti məlumatərosnə mərkəzi raporti əsos, Rəyisi ıştə mesajədə ki bə Muhəmməd Şiyae Sodani vığandəşe işorəş karde: İron İslam Respublika həmişə İraği siyasi prossesiku ki bə milləti sədo əsose himoyə kardəşe və de İraği bıvəti rabitəon əlovə kardey cəhəto ıştə həmmə cəhdon əncom bədoe iyən təsdiğış karde: umid heste şımə iminnə vəziri dıvrə zəmonədə, 2 qılə kişvəri bıvəti rabitəon, həmmə baxşonədə, rəsmi rabitəon bəpey və bə sivilizasiya, mədəni və milləti nığıləti əsos, ğoym və bə inkişof bərəse.