Əlməşat: xəbisə planon vədə Yəmən İroni kənoədəy

Yəməni siyasi ali şura rəis votışe: Yəmən, İroni millət iyən dıvləti kənoədə, xəbisə planon iyən iğtişoş hərəkəton vədə muğavimət kardedə.

Bə İrna raporti əsos, tojədən, Yəməni paytəxt, Sənaədə, ım kişvəri siyasi ali şura yol, Məhdi Əlmoşat de İronədə bıə Yəməni səfir İbrahim Əldilmi vindemon iyən votımonış karde.

Im vindemonədə, İronədə Yəməni səfarətxonə vəziyət, İron İslam Respublikaədə yəməni ictima və yəməni universiti tələbəon vəziyət ki İronədə ko kardey holədən,2 qılə dust iyən bıvə kişvəron miyono 2tərəfiyə rabitəonn zumand kardey roon və İron və Yəməni vəomey həmkoətion barədə sıhbət bıə.

Im vindemonədə, Əlmoşat, dəvardə rujonədə İronədə bıə hodisəon barədə tələbış karde ki bə İronədə bıə Yəməni millət iyən universiti tələbəon həm diğğət bıbu.

Mehdi Əlmoşat ijən İroni oxonə təhəvolaton barədə işorəş karde: ım ki İroni vey şəhronədə, İron İslam Respublika stabiləti iyən əmniyyət və xarıci xəbisə planon rəd kardeyro əncom bıə, bə həmmə xəbisə planon və Amerkə-sionisti senariyaon ələyh, İroni millət huşinəti iyən zumandəti nışonəy.

Im vindemoni oxoədə, Yəməni siyasi ali şura yol, təkidış karde ki İronədə yəməni səforətxonə bəpe 2 qılə bıvə kişvəron miyono rabitəon zumand iyən 2 qılə milləti mənafe cəhəto muxtəlifə baxşonədə həmkoətion əlovə kardeyro, ıştə həmmə cəhdon əncom bıdən.