Bə İron və İraği miyono elmi və mədəni həmkoətion hevujəti təkid

İrağədə bıə İron İslam Respublika səfarətxonə mədəni mışovir de ım kişvəri təhğiğon və elmi təlimi vəzir vindemonış karde iyən 2 tərəf bə 2 qılə kişvəri elmi və mədəni həmkoətion hevujəti təkidışon kardə.

Dəvardə soronədə İron və İraği miyono elmi və mədəni həmkoətion əcumlə universiti baxşədə əloğəon, vey çəşəçi be.

Statestikaon nışoş do ki İraği universiti tələbəon ki xarıcədə təhsil kardedən, veyni İroni universitionədə bə dərs hande məşğulin.

Tojədən Bəğdadədə bıə İroni mədəni mışovir, Ğolamrıza Əbazəri de İraği elmi təhğiğon və ali təlimi vəzir, Nəim Əlobodi vindemon iyən de İraği rəsmi şəxson 2 qılə kişvəron miyono elmi və mədəni həmkoətion barədə votımonış karde.

Im vindemonədə 2 qılə kişvəri universition miyono mədəni və elmi həmkoətion roon xususi tib hissədə tojə təxəssuson, muhəndesi və həmçınin mıştərəkə elmi təhğiğon zəminəonədə de yande sıhbətışon kardə.