Suriyə və İraği marzədə tıpemon

Bəzi xəbə mənbəon çoşəmbə sıb İrağ və Suriyə marzədə tıpemoni barədə xəbə doydən.

Bə İrna raporti əsos ki İraği Əlsomeriyə Niyoziku nəğl bıə, İrağ və Suriyə marzi məntəğədə çand qılə tepemoni sədo məsə bıə.

Həminə holədə, Saberin Niyuz nomo bıə Teleqramiyə kanal həm raportış doə ki: İraği Ğaem məntəğədə sərhədi tanqədə minimum 4 qılə tepemon əncom bıə iyən ın marzi tanqədə, ğırəkə təyyorəon iyən helikopteron pəre muşahidə bıə.

Bə ım raporti əsos, İrağ və Suriyə marzi tanqədə, de droni vositə, bə muğaviməti hərbiçion bazaon həmlə be.

Ğeyd kardənine ki Saberinniyuz Teleqramiyə kanal işorəş karde: ım həmləon peştədə Amerkə be.

Bəzi İraği mediyaon raportışon do, qıləy locestikə kərvon İraği Əlğaem marziku dəvardey və bə Suriyə varid bey bəpeşt, de həvo həmləon hədəf qətə bəy.

Saberin Niyoz kanal iyən raportış do ki ım həvoiyə həmlədə 25 nəfər kıştə bıən.

Bə Saberin Niyoz raporti əsos, Amerkə rəsmi şəxsonku qıləyni ki çəy nom məlum ni Suriyədə həvoiyə həmlə təsdiğış kardə, əmmo işorəş nıkardə ki ım həmlə kom səmtiku əncom bıə.

Tosə bə ısət, İrağ ya Suriyə rəsmi şəxson ım barədə reaksiya nışo doəşon ni.