130 həzo fələstinıj avarəti təhdidi jintonədə jimon kardedən

Fələstin işğal bıə əraziədə 130 həzo fələstinıj ki çəvon kəon sioniston tərəfo xərobə bey jintonədəy ısət avarəti təhdidi his kardedən.

Bə Fələstini mediaon raporti əsos, 1948 nomo bıə işğali sərzəminonədə ıştə kə xərobə bey təhdidi his kardən ki har ləzə sioniston tərəfo çəy əncom bey ehtımol heste.

Həminə raportədə ğeyd bıə ki 1948 nomo sərzəminədə 14 həzo kə xərobə bey təhdidi jintonədən, çən jığo votey bıdə ki bə 130 həzo nəfər nezi Fələstinıj ısət həminə məntəğə muxtəlif baxşonədə ıştə kəon dastiku doey və avarəti təhdidi jintonədə jimon kardən.

Həminə raporti co baxşədə təsdiğ bıə ki sioniston tosə bə ısət həminə məntəğədə 29 həzo tojə kəşon beicozə dutəşone və çəy dəvomi prossesi vəy qətero rozi nin.