Bə de İraği kişvər rabitəon inkişof doey Əmirəbdullahiyani təkid

İroni xarıci vəzir de İraği xarıci vəzir, Fuad Huseyn telefoniyə votımonədə votışe: bə Muhəmməd Əlsodani rəisəti İraği dıvləti icod beyku vey xoşhalimon iyən bə de İraği rabitəon inkişofi İron İslam Respublika irodə təkid kardedəmon.

Bə İrana raporti əsos, ım telefoniyə votımonədə, Huseyn Əmirəbdullahiyan məntəğədə və 2tərəfiyə rabitəonədə əmniyyəti bənə vey muhimmə amil zınəş be və votışe: de 2 qılə kişvəri vey aliyə rabitəon vucudi, İron İslam Respublika intizorış ni ki Kırdıstoni iğlim Tehroniro bənə təhdid bıbu, və mərkəzi dıvlət ım hərəkəton vədə məsuliyəti bəpe əməl bıko.

Əv mıştərək əmniyyəti qarantiyaro, bə əmniyyəti votımonon nəticəon bəfodor bey zərrurəti təkidış kardə.

İraği xarıci vəzir Fuad Huseyn həm 2 qılə kişvəri rabitəon səthiku xoşhal be iyən Tehron-Bəğdad həmkoətiş, bənə mıştərək əmniyyəti qarantiya əkə bə hisobış varde iyən votışe: Bəğdad icozə nibədoe ki çəy hamsuyəon İraği sərzəminiku təhdid bıbun.

2 qılə kişvəri xarıci vəziron İron və Ərəbistoni votımononku aid bıə nəticəon iyən prosseson təğib kardışone və bə çand tərəfiyə reqional həmkoətion təkidışon be.