Əlhodəydə avarəon laqeri otəş jəe, Yəməni tərəfo məhkum bıə.

Yəməni insoniyə həxon vəzarətxonə qıləy bəyoniyə ğolibədə, Əlhodəydə ostani Yəməni avarəon laqerdi otəş jəe məhkumış kardə. Im laqerd çı Səudiyə koalisiya kontrolədəy.

Tojədən, Əlhodəydə ostanədə bıə Əlxoxə şəhrədə Əlcəşə laqerdədə 60 qılə sakın bıə kəson çodı otəşədə məhv be.

Həminə cəhətədə bə bə Əlməsirə xəbəiyə kanali raporti əsos, Çoşəmbə şəvədə Yəməni bəşər həxon vəzarətxonə qıləy bəyoniyə ğolibədə Əlhodəydə ostanədə Yəməni avarəon laqerdədə otəşi məhkum və elanış karde: ım terroristi və cinoyətə hərəkət, ozod ya işğal bıə məntəğəonədə insoniyə həxon məhv kardey və bə Yəməni milləti ələyh təcavuzəkə koalisiya və çəvon amilon sistematikə ğətliamon ğolibədə əncom bıə.

Yəməni insoniyə həxon vəzarətxonə, İ Bıə Milləton Təşkilati, çı avarəon həxon darşiye məsul zıneydə və Yəmənədə bıə beynəlxalğə təşkilaton nımoyəndəon xususi İ Bıə Milləton təşkilaton dəftərxonə, insoniyə həxon ali kamissariyay dəftərxonə və pənoh tələbə kəson ali kamissariyay dəftərxonəku tələbış karde ta ım hodisə təğib kardeyro bə həmonə vırə muraciət bıkon və ım cinoyəti amilon zıney iyən cəzo doə bıbun.

Həmçınin Yəməni bəşər həxon vəzarətxonə beynəlxalğə ictima, İ Bıə Milləton təşkilat və insoniyə həxon təşkilatonku tələbış kardə ta avarəonku mıhofizə bıkon, və Əlcəşə laqerdonədə bə otəşi xoto zəxmin bıə kəson ğəromət bıdən.

Miladi 2015 minnə sori Martə manqiku Ərəbiston de Amerkə, İ Bıə Ərəb Əmirəti və çand qılə co kişvəron, dıyo, həvo vəzəmini royku ıştə hərbi təcavuzi bə Yəmən binoşon kardə. Tosə bə ısət, Yəmənədə Ərəbiston iyən çəvon mıttəfiğon canqtələbəti bois bıə çand sa həzo Yəmənıjon kıştə iyən zəxmin və 4 milyon nəfər həm avarə bıbun.