Bə Ğətərədə bıə dınyo çempionati 250 ton İroni xorəkon ixracat

İroni ticarəti bə inkişof rosniye təşkilati yol xəbəş do ki har ruj bə Ğətəri dınyo çempionat, 250 ton İroni xorəkon ixracat əncom bəbe.

Ticari inkişof təşkilati yol, Əlirıza Peyman Pak votışe: dınyo çempionat əyyomədə, har ruj 250 ton xorək iyən kaştemoni məteriyalon bə Ğətər ixrac bəbe ki dəvardə i manqədə Dohaədə, ım təvafuğ de ticari inkişof təşkilati planon və nımoyeşqoh bərpo bey, əncom bıə be.

Zinə Noyabrə manqi 3 minnə rujiku və de mizbonə kişvər və ٍEkvadori kişvəri mısobiğə, Ğətəri Miladi 2022 minnə sori Futbol dınyo çempionat msobiğəon bino bıə.

Bə Tele-Rədio aqentiyəti raporti əsos, dınyo çempionat astanədə və de Ğətəri ticari rabitəon əlovə kardey və xarıci ticari bə inkişof rosniye cəhəto ım fırsətiku isitodə kardey, Peyman Pak ım təşkilati oxonə hərəkəton barədə votışe: 13 minnə dıvləti vey muhimmə metodonku qıləyni de hamsuyə kişvəron ticarəti bə inkişof rosniye bə hisob omeydə.

Ticari inkişofi Təşkilati yol votışe: bə əncom bıə təvafuğon əsos, İronədə Ğətəri investisiyaəkəyon deştə iştiroki vositə və İronədə de Ğətəri ehtiyoc bıə məhsulon istehsol kardey vositə,komək kardedən ta ım məhsulon bə çəvon kişvər sadir bıbu.