İraği nat iyən qazi planonədə iştirok kardeyro, İroni hozzoəti.

İroni qazi inkişof iyən muhəndesi şirkəti yol, İraği nat və qazi planonədə iştirokiro, ım şirkəti hozzoətiku xəbəş do.

Bə Tele-Rədio aqentiyəti raporti əsos, Tehronədə İron və İraği ticarii inkişofə konfransədə, İroni qazi inkişof iyən muhəndesi şirkəti yol Rıza Noşadi bəyonış karde: İron, dınyo vey yolə qazi sistemi soybe. əv ım həğiğəti İroni nat və qazi sənaye əzəmətiro qıləy nışonə zıneydə.

Noşadi ijən votışe: Nəft şəhr iyən Şələmçədə qazi həmmə məntəğəon 6 minnə lolə xətti inkişofədə ki Əsəloyəku tosə ixracati məntəğəon, İroni qazi milli şirkəti vey yolə investisiya əncom bıə subitış kardə ki İron de İraği ıştə rabitəon hevujətiro vey ğoyme.

İroni qazi inkişof iyən muhəndesi şirkəti yol ijən təkidış karde: İrağədə nat və qazi planon icro beyro İron dovtələbonə surətədə ıştə hozzoəti elanış kardedə. əv ijən votışe : İron İraği rəsmi şəxsonku tələb kardedə ki ım ko bə vırə rosniyero zəminəon icod ko.

Noşadi ijən təkidış karde: İRoni nati sənaye coyləti surətədə karde bəzne İron və İraği ticari miğdor holihazır muğaisədə bə 2 bərobər əlovə bıdə.

Asiya ğərb məntəğə ərəbə kişvəron miyonədə, İrağ de İron məzhəbi və mədəni vey nezə rabitəon soybe.

Hamsuyəon miyonədə vey dırozə marzi soyb bey( təğribən 1258 kilometr zəmini marz və 351 kilometr ovi marz), irği, torixi və zıvoni cəhəto əloğəon, dini mıştərəkə çiyon və əmniyyəti iyən iğtisodi mıştərəkə mənafe həmçenin mıştərik təhdidon vucud, İron və İraği rabitəonədə vey muhimmə nuktəonku bə hisob omeydə.

Oxonə soronədə həm bə məzhəbi, siyasi, mədəni veyə mıştərəkəçiyon illəton xoto, İroni de İraği rabitəon hevujəti, 2 qılə kişvəron rəsmi şəxson iminnə koonku ğərorış qətə.