Ğətəri dınyo çempionat mısobiğəonədə, Fələstiniku himoyəon dəvom.

Miladi 2022 minnə sori Ğətəri dınyo çempionat mısobiğəonədə, qıləy colibə hodisəonku qıləyni, sionist rejimi mığubilədə təmoşoəkəyon Fələstiniku himoyə kardey be.

Miladi 2022 minnə sori Ğətəri dınyo çempionat mısobiğəonədə, muxtəlifə kişvəron xususi ərəbi kişvəron təmoşoəkəyon de İsraili jurnaliston və mediyaonku votımon kardey vəy qətedən və mısobiğəon bərpo bey zəmonədə həm Fələstini kişvəriku himoyə kardedən.

Bə Tele-Rədio aqentiyəti raporti əsos, zinə şəvi Ğətəri dınyo çempionati hənəki cərəyonədə, ki Yapuniya iyən Xozvatiya miyono bərpo bıə, veyə təmoşoəkəyon Fələstini kişvəri boydəğ rostışon kardə.

Co tərəfiku qıləy fələstinıjə fəal, bə dınyo çempionati təmoşoəkəyon bə Fələstini boydəği plani əsos qıləy dastband hədyəş do ki de təmoşoəkəyon mısbətə reaksiya dim bə dim bıə.

Həminə holədə, Fələstin islomi muğaviməti hərəkəti sıxənəvot, Əbdullətif Əlğanue elanış kardə ki Miladi 2022 minnə sori Ğətəri dınyo çempionat mısobiğəon dılədə, Fələstini mıvzo vırəş heste, əv ijən təkidış karde: ım məsələ islomi ummətiro qılə mərkəziyə mıvzoe iyən çand milyon dınyo ozod bıə kəsoni dılədə vırəş heste.

İsraili işğolçiyon təsəvvur kardedən ki de çand qıləy ərəbi kişvəron rabitəon normal kardey bois bəbe çəvonro çokə əmniyyət iyən vəomey icod bıbu, əmmo Ğətəri dınyo çempionat mısobiğəon subitış kardə ki əvon bənə dəvardə məntəğə iyən islomi və ərəbi kişvəron miyonədə hiç vırəşon ni və Fələstini məsələku himoyə kardey Miladi 2022 minnə sori Ğətəri dınyo çempionat mısobiğəonədə vey muhimmə mıvzoon əvəz bıə.