Çin iyən Ərəbistoni miyono stratejik muğavilə imzo be

De Çini prezidenti bə Ərəbiston səfəri həmzəman 2 qılə kişvəri miyono stratejik həmkoətion barədə çand qılə muğavilə imzo be.

Çini prezidenti bə Ərəbiston səfər ki 4şambəku bino bıə be tosə ımruj dəvom kardedə.

İrna aqentiyətiku xəbə omə ki Ərəbistoni kral Məlik Səlman və çini prezident Şi Cin Pinq qıləy stratejik muğavilə həminə səfəri çərçivədə imzo kardəşone.

Jıığo votey bıdə ki 34 qılə sərmoyə noe muğavilə, havzə enerji, havzə hidroqen, həşiku enerji istihsol karde, informasiya texnoloqiaon, nəğliyot, damon və səhiyə, kə dute sahələ Çin iyən Ərəbistoni rəsmi şəxson miyono imzo bıə.

İraği iminnə vəzir, Misri prezident, Kuveyti vəliəhd, iyən Sudani rəhbər həm Ərəbistonədən və xəbə omə ki Çini prezident ıştə ımrujnə bərnoməon dəvomədə və Ərəbistoni tək kardeyku bənav Ərəb liğa iclosədə iştirok bəkarde.