Bə İraği səmt, ğeyri nat məhsulon ixracat əlovə bey.
İroni cənub, Xuzıston ostani qomrokon nəzorətəkə xəbəş do ki: dəvardə 8 manqi mıddətədə, bə İraği səmt 3 milyono 422 həzo ton ğeyri nat məhsulon ixracat əncom bıə.
Xuzıston ostani qomrokon nəzorətəkə, Behroz Ğəreboği de İsna aqentiyəti votımoni cərəyonədə bə İraği kişvər ğeyri nat məhsulon ixracati barədə əlovəş karde: dəvardə 8 manqi mıddətədə 3 milyono 422 həzo ton ğeyri nat məhsulon bə 570 milyono 889 həzo dollar erj Xuzıstoni qomrokonku bə İrağ sadir bıə.
Ğərebeyqi votışe: dəvardə sori muğaisədə Xuzıstoni qomrokon royku bə İrağ kişvəri ixracat vəzni cəhəto 6 faiz iyən erji cəhəto 2 faiz kam bıə.
Xuzıston ostani qomrokon nəzorətəkə ijən təsdiğış karde: Şələmçə marziku bə İrağ, de 1 milyono 412 həzo ton vey əmtəə ixracati mığdor bə hisob omeydə və həmçınin Azadeqan dəşti şəhrıstoni ətrofədə, Çəzabə qədə vojorədə de 318 həzo ton əmtəə ixracati mığdor ım sahədə 2 minnə vırə soybe.
Bə Ğərebeyqi votey əsos, bə İraği vey muhimmə əmtəə ixracat xorək məteriyalon, havzə, keliner(sementi istehsoli iminnə maddon), dasti sənaye və kə ləvazimon, prosniyə bıə moyon, elektronik və osınə ləvazimon şomil bəbe ki Abadan, Xorəmşəhr və İmom Xomeyni(r)-i porti məxsusə məntəğə qomrokonku əncom bəbe.
Xuzıstoni qomrokon nəzorətəkə, ijən bə İron, İrağiku əmtəə varid bey barədə votışe: dəvardə 8 manqi mıddətədə İrağiku iyən Xuzıstoni qomrokon royku hiç qılə əmtəə bə İron varid bıə ni.
