Əmirəbdullahiyan: de Riyaz rabitəon normal kardeyku, İron himoyə kardedə
Bəğdadi konfrasi 2 minnə dıvrə kənoədə, İroni xarıci vəzir de Səudi xarıci vəziri votımoniku xəbəş do iyən votışe: har zəmon ki Səudivıjon bə normalə rabitəon oqardeyro hozzo bıbun İron ım koku himoyə kardedə.
Milodi 2016 minnə sorədə Yanvari 3 minnə rujədə, Ərəbiston Səudi bə ım xoto ki Tehron və Məşhədədə bıə ım kişvəri kunsulqəri və səforətxonədə çand nəfər həmləoşon kardə be, de İroni ıştə diplomatiya rabitəon ğətış kardə be.
Həminə cəhətədəə iyən bə İrna raporti əsos, çoşəmbə rujədə, İroni xarıci vəzir, Huseyn ƏmirƏbdullahiyan bə İordaniya ıştə səfəri oxoədə və Bəğdad-2 iclosədə iştirok kardey bepeşt , jurnaliston cəmədə bə de Ərəbistoni xarıci vəziri vindemon iyən Tehron-Riyaz diplomatiya rabitəon tojədən bino bey işorəş karde iyən votışe: İron İslom Respublika ım diplomatiya rabitəon ğətəkə tərəf nıbe və ım Ərəbiston be ki jıqo ğərolış qətə və har zəmon ki səudivıjon bə təbii holəti rabitəon oqardeyro hozzo bıbun, İron həm ım koku himoyət kardedə.
İroni xarıci vəzir həmçınin sanksiyaon peqətey barədə məşvərətonku xəbəş do və təsdiğış karde: dəvardə 2 tosə 3 manqi mıddətədə, 2diməti sıxənonədə, Amerkə tərəfon qıləy hərəkətoni əncom dodən ki de çəvon sıxənon bə ico nıbe, Amerkəvıjon dimən Vyanaədə elam kardedən ki meylışone təvafuğon bə oxonə qəm bırəsi əmmo mediyaonədə 2diməti rəftor kardedən.
Əmirəbdullahiyan təkidış karde: ehanə diplomatiya təğib kardeyro Amerkəvıjon iddeo səhih bıbu, karde zınəş ni ki mediyaonədə və imtiyoz qəteyro bə co qılə metodi dumoədə bıbu.
İroni xarıci vəzir ijən təsdiğış karde: çəmə təsəvvur ıme ki muxtəlifə tərəfon bə realizmi oqardey holədən və əmə həm elan kardedəmon əqə çəmə sıə xətton rioyət məbu, hozzoimon ki bə təvafuğ rəeyro, oxonə qəmon pebəqətəmon.
Dışəmbə şəv İron İslom Respublika xarıci vəzir, Huseyn Əmirəbdullahiyan bə Bəğdad-2 iclosədə iştirok kaardey xoto, bə İordaniya paytəxt, Əman varid bıə.
Seşəmbə ruj, Dekabri 20 minnə rujədə, Bəğdad-2 iclos, Əmanədə de İraği hamsuyəon iştirok bərpo bıə. Bəhreyn, Oman, Misr, Ərəbiston, İ Bıə Ərəbə Əmirəti, Ğətər, Tırkiyə, İrağ və Fransə əcumlə kişvəronin ki ım konfransiyaədə iştirokışon be.
