Ticori həmkoəti prespekti barədə İron və Suriyə votımonon

İron və Suriyə dusti onemononku qıləy heyət iyən Suriyə məsrəfəkəyonku himoyə və daxıli ticoriyə vəziri iclosədə, Tehron və Dəməşği miyono ticori həmkoəti prespekt təğib bıə.

Bə İrna zinə ruji raporti əsos, Dəməşğədə İron və Suriyə dusti onemoniku qıləy heyəti iclosədə Suriyə məsrəfəkəyonku himoyə və daxıli ticori vəzir Əmro Nəzir Salem, ısətnə mərhələ ehtiyocon həll iyən bə elmi nəticəon rəsey və maneon peqəteyro, 2 qılə dustə milləti mənafe xıdmət rosniye cəhəto, ticori və investisiya muxtəlifə baxşonədə, de İronıjə tərəfo həmkoətiro ım vəzorətxonə hozzoəti elanış kardə.

Həminə vindemonədə, 2 tərəf təvafuğışon kardə ki Milodi vəoməy sori əvvələdə, de təziğə icloson bərpo bey vositə, 2 qılə kişvəri ticori və investisiya planon icro bey bərnoməon bino bey cəhəto, lozimə hərəkəton komil kardeyro kali hərəkəton və planon əncom bıbu.

İron İslom Respublika de Suriyə  stratejikə həmkoətişe, və terroristiyə muxtəlifə qrupon mubarizə bardey prossesədə, Suriyə bıhron və bə Əsəd dıvləti koməki mıddətədə, Tehroni himoyəon  ım məsələ nışoş do.

DAEŞ-i məğlubiyəti bəpeştə İron və Suriyə miyono rabitəon,ısət hevuj bıə və həmmə zəminəonədə ım rabitəon hevujətiro ruşinə taleon mucude.